“Naturalidad Silvestre” é a primeira produción do novo selo Discos Felipop, unha auténtica arroutada heroica dos limodreses da Asociación Cultural Felicia en tempos nos que a industria discográfica non deixa de dar disgustos. “Naturalidad silvestre” profundiza nas ideas de Roger de Flor apuntadas na excelente maqueta “Canciones de amor y retranca” (2007). Dez cancións que falan de amores non correspondidos, da urxencia de manter o equilibrio mental, da monotonía ou do valor da amizade, esa eterna táboa de salvación en tempos de crise. Olladas serenas e irónicas ante o fracaso convertidas en divertidas melodías inzadas de estribillos memorables grazas ao swing deste popeiro sentimental.
![](https://blogger.googleusercontent.com/img/b/R29vZ2xl/AVvXsEjMpU3TRJWxlEXpB4CcILSSRtdFHdLhQK4wW069klCEdOIT124vlhmKvt46lf7d3OI6EWQM_BluVS1r9oylMTgxG3w405lai-emkslTqfWe3MvfwZZcRssIqdK8NoX0LDjpcpO4KAXiObA/s400/roge1.jpg)
Ningún comentario:
Publicar un comentario